លំដាប់អ្នកហ្វឹកហាត់ផ្កាយមួយ (One Star Dou Zhe)

សម្លឹងមើលទៅក្មេងស្រីក្នុងអាវពណ៌បៃតងដែលកំពុងបោះជំហានទៅមុខយ៉ាងរឹងមាំ ទីលានហ្វឹកហាត់ទាំងមូលស្រាប់តែប្រែជាស្ងាត់ជ្រងំ ខណៈដែលក្រសែភ្នែកដ៏ក្ដៅគគុកបានផ្ដោតទៅលើរូបរាងរបស់នាង។ ពីលើវេទិកាខ្ពស់ សមាជិកជាន់ខ្ពស់ទាំងអស់នៃត្រកូលបានបញ្ឈប់ការជជែកគ្នា ហើយផ្ដោតអារម្មណ៍ទៅលើ "គ្រាប់ពេជ្រ" នៃត្រកូលស៊ាវ (Xiao Clan) ដូចគ្នា។

ស៊ាវ ចាន់ (Xiao Zhan) រួមជាមួយព្រឹទ្ធាចារ្យ (Elder) ទាំង ៣ រូប សុទ្ធតែមានទឹកមុខម៉ឺងម៉ាត់ អមដោយក្ដីចង់ដឹងចង់ឃើញ។ ពួកគេពិតជាចង់ដឹងណាស់ថា តើបុគ្គលលេខមួយក្នុងចំណោមយុវជនជំនាន់ក្រោយនៃត្រកូលស៊ាវម្នាក់នេះ សម្រេចបានដល់កម្រិតណា បន្ទាប់ពីការហ្វឹកហាត់អស់រយៈពេលមួយឆ្នាំ។

នៅទីនេះ គ្រប់ក្រសែភ្នែកបានសម្លឹងចុះមកយ៉ាងមុតមាំទៅលើក្មេងស្រីដែលកំពុងដើរសំដៅទៅរកផ្ទាំងថ្មវាស់កម្រិតថាមពល (Magical Testing Monument) ក្នុងល្បឿនមួយដែលមិនយឺតពេក ហើយក៏មិនលឿនពេក។ នាងបានលើកដៃតូចច្រឡឹងរបស់នាងឡើង បង្ហាញឱ្យឃើញស្បែកដែលសខ្ចីដូចព្រិល នៅពេលដែលដៃអាវត្រូវបានទាញឡើងលើ។

នៅពេលដែលដៃដ៏ទន់ភ្លន់របស់នាងប៉ះនឹងផ្ទាំងថ្មវាស់កម្រិតថាមពល ស៊ុន អឺរ (Xun Er) ក៏បិទភ្នែកយឺតៗ ខណៈដែលថាមពលប្រយុទ្ធ (Dou Qi) ក្នុងខ្លួនរបស់នាងចាប់ផ្ដើមកើនឡើងយ៉ាងរហ័ស។

ដោយទទួលយកថាមពលប្រយុទ្ធដែលហូរចូលមក ផ្ទាំងថ្មដែលធ្លាប់តែស្ងប់ស្ងាត់ ក៏បញ្ចេញពន្លឺចែងចាំងយ៉ាងខ្លាំង។

លំដាប់អ្នកហឹកហាត់ (Dou Zhe) ១ ផ្កាយ!

សម្លឹងមើលពាក្យដ៏ធំទាំងបួនដែលកំពុងចែងចាំងនៅលើផ្ទាំងថ្មនៅកណ្ដាលទីលានហ្វឹកហាត់ មួយសន្ទុះគ្រប់គ្នាស្រឡាំងកាំងនិយាយមិនចេញ រួចក៏ស្រាប់តែផ្ទុះការស្រែកហ៊ោរកញ្ជ្រៀវឡើង។

"កញ្ញា ស៊ុន អឺរ (Xun Er), លំដាប់អ្នកហឹកហាត់ (Dou Zhe) ១ ផ្កាយ!"

ដោយការភ្ញាក់ផ្អើលនឹងអក្សរពណ៌លឿងចែងចាំងទាំងបួននេះ អ្នកត្រួតពិនិត្យមិនអាចទប់ចិត្តបានឡើយ ក៏គ្រវីក្បាលតិចៗ។

"ហាហា... អាយុ ១៥ ឆ្នាំ ក្លាយជាលំដាប់អ្នកហឹកហាត់ (Dou Zhe)... នាងពិតជា..."

ស្ដាប់ការប្រកាសរបស់អ្នកត្រួតពិនិត្យ ស៊ាវ ចាន់ (Xiao Zhan) បានដកដង្ហើមធំ ប៉ុន្តែពាក្យចុងក្រោយរបស់គេបែរជាស្ដាប់លែងសូវច្បាស់។

ព្រឹទ្ធាចារ្យ (Elder) ទាំង ៣ រូប បានងក់ក្បាលតិចៗ ខណៈដែលផ្ទៃមុខរបស់ពួកគេបង្ហាញពីភាពភ្ញាក់ផ្អើល។ បើទោះបីជាវានៅមានគម្លាតបន្តិចបន្តួច បើធៀបនឹងសមិទ្ធផលរបស់ ស៊ាវ យ៉ាន (Xiao Yan) ដែលបានក្លាយជាលំដាប់អ្នកហឹកហាត់ (Dou Zhe) តាំងពីអាយុ ១២ ឆ្នាំក៏ដោយ ក៏ល្បឿនហ្វឹកហាត់របស់នាងអាចចាត់ទុកថាជា "បិសាច" ទៅហើយ។

នៅកណ្ដាលទីលានហ្វឹកហាត់ ស៊ាវ ម៉ី (Xiao Mei) ដែលទើបតែទទួលបានការកោតសរសើរពីគ្រប់គ្នា ក៏ស្រឡាំងកាំងនឹងអក្សរចែងចាំងទាំងបួននៅលើផ្ទាំងថ្មដូចគ្នា។ សម្លឹងមើលទៅផ្ទាំងថ្ម នាងមានអារម្មណ៍អស់សង្ឃឹមយ៉ាងខ្លាំង។ ត្រឹមអាយុ ១៥ ឆ្នាំ ក្លាយជាលំដាប់អ្នកហឹកហាត់ (Dou Zhe) ១ ផ្កាយ សមិទ្ធផលនេះបានធ្វើឱ្យនាងងងឹតមុខ ព្រោះនាងមិននឹកស្មានថា ស៊ុន អឺរ (Xun Er) មានសមត្ថភាពដល់កម្រិតនេះសោះ។

នៅចុងជួរនៃហ្វូងមនុស្ស ស៊ាវ យ៉ាន (Xiao Yan) បានបិទបបូរមាត់យ៉ាងតានតឹង។ គេមិននឹកស្មានថា ស៊ុន អឺរ (Xun Er) អាចឈានចូលដល់លំដាប់អ្នកហឹកហាត់ ហើយថែមទាំងឡើងដល់កម្រិត ១ ផ្កាយទៀតផង ដែលវាគឺជាកម្រិតមួយដ៏ខ្ពស់លើសពីអ្នកដែលទើបតែបង្រួមកម្លាំងធាតុ (Dou Qi Cyclone) រួច។ ល្បឿនហ្វឹកហាត់នេះ ថែមទាំងអាចប្រៀបធៀបជាមួយគេដែលប្រើប្រាស់ ទឹកវិញ្ញាណជំនួយកម្លាំង (Foundation Elixir) ដើម្បីជួយជម្រុញល្បឿនហ្វឹកហាត់ទៅទៀត។

ស៊ុន អឺរ (Xun Er) មិនខ្វល់ពីអ្នកដទៃឡើយ ហើយនាងបានជ្រួញចិញ្ចើមដោយមិនពេញចិត្ត ហាក់ដូចជានាងមិនចូលចិត្តការចាប់អារម្មណ៍ខ្លាំងពេក។ បន្ទាប់មក នាងក៏ដើរត្រឡប់មកក្នុងហ្វូងមនុស្សវិញ ហើយនៅពេលឃើញភាពភ្ញាក់ផ្អើលរបស់ ស៊ាវ យ៉ាន (Xiao Yan) នាងក៏ញញឹមបែបលេងសើច។

"កុំអំនួតពេកអី! ជាមួយនឹងទេពកោសល្យរបស់អូន សមិទ្ធផលនេះគឺស្ថិតនៅក្នុងការរំពឹងទុករបស់បងហើយ។ បើអូនមិនទាន់ដល់លំដាប់អ្នកហឹកហាត់ទេ ទើបបងភ្ញាក់ផ្អើលខ្លាំង។" ស៊ាវ យ៉ាន (Xiao Yan) គ្រវីស្មា ហើយនិយាយលេងសើច។

ឮបែបនេះ ផ្ទៃមុខតូចច្រឡឹងរបស់ ស៊ុន អឺរ (Xun Er) ប្រែជាស្រងូតស្រងាត់មួយភ្លែត ខណៈពេលដែលនាងក្រឡេកមើលគេ។

ដោយទាញ ស៊ុន អឺរ (Xun Er) ឱ្យអង្គុយចុះលើកម្រាល ស៊ាវ យ៉ាន (Xiao Yan) មើលទៅហាក់ដូចជាធុញទ្រាន់ ខណៈដែលគេអង្គុយមើលសមាជិកត្រកូលដទៃទៀតបន្តការធ្វើតេស្ត។

តាមការនិយាយដោយត្រង់ទៅ ការហ្វឹកហាត់កម្លាំងធាតុ (Dou Qi) ឱ្យដល់ កម្រិតទី ៧ (7 Duan Qi) មុនអាយុ ១៥ ឆ្នាំ គឺត្រូវការទេពកោសល្យ (Talent) បង្គួរទើបអាចជោគជ័យបាន។ ទោះជាយ៉ាងណាក៏ដោយ អ្នកដែលមានទេពកោសល្យបង្គួរមិនមានច្រើនដូចអ្វីដែលគេគិតនោះទេ ហើយសូម្បីតែនៅក្នុងត្រកូលស៊ាវទាំងមូល ក៏មានតែប្រហែល ២ ទៅ ៣ ភាគ ១០ ប៉ុណ្ណោះដែលធ្វើបាន។

ពេលវេលាកាន់តែយឺតទៅៗ មនុស្សកាន់តែច្រើនត្រូវបានចាត់ទុកថាមិនគ្រប់លក្ខណៈ ដែលធ្វើឱ្យបរិយាកាសនៃទីលានហ្វឹកហាត់កាន់តែស្រងូតស្រងាត់។ អ្នកដែលមិនជាប់បានបង្ហាញទឹកមុខក្រៀមក្រំនៅពេលដែលពួកគេត្រូវគេបដិសេធ ប៉ុន្តែនៅពេលដែលពួកគេឃើញអ្នកដទៃក៏មិនជាប់ដូចគ្នា ស្នាមញញឹមបន្តិចបន្តួចក៏លេចឡើងនៅលើផ្ទៃមុខរបស់ពួកគេ។

អង្គុយនៅលើដី ស៊ាវ យ៉ាន (Xiao Yan) បន្តមើលការធ្វើតេស្ត។ ក្នុងចំណោមអ្នកធ្វើតេស្តជាងមួយរយនាក់ មានតែពីរនាក់ប៉ុណ្ណោះដែលដូច ស៊ាវ ម៉ី (Xiao Mei) គឺទទួលបានកម្រិតទី ៨ ហើយគ្មាននរណាម្នាក់ទទួលបានកម្រិតទី ៩ ឡើយ កុំថាឡើយដល់ថ្នាក់ក្លាយជាលំដាប់អ្នកហឹកហាត់ (Dou Zhe) (ពិតណាស់ គឺមិនរាប់បញ្ចូល ស៊ុន អឺរ (Xun Er))។

នៅលើទីលាន ចំនួនអ្នកធ្វើតេស្តកាន់តែតិចទៅៗ ហើយចុងក្រោយនៅសល់តែ ស៊ាវ យ៉ាន (Xiao Yan) និងមនុស្សប៉ុន្មាននាក់ទៀតប៉ុណ្ណោះ។

មិនយូរប៉ុន្មាន អ្នកធ្វើតេស្តវ័យក្មេងដែលមានទឹកមុខក្រៀមក្រំម្នាក់បានក្រោកឈរ ហើយដើរឡើងទៅ ទោះបីជាគេដឹងថាគេគ្មានឱកាសជាប់ក៏ដោយ។

សម្រាប់អ្នកធ្វើតេស្តដប់នាក់ចុងក្រោយនេះ គ្រប់គ្នាដឹងថាពួកគេគឺជាអ្នកដែលនៅបាតតារាងបំផុតនៃត្រកូល ហើយប្រសិនបើវាមិនមែនដើម្បីភាពយុត្តិធម៌នៃការធ្វើតេស្តទេនោះ ពួកគេប្រហែលជាត្រូវបានជម្រុះចេញតាំងពីដំបូងដោយមិនចាំបាច់ធ្វើតេស្តផងក៏មិនដឹង។

"ស៊ាវ យ៉ាន (Xiao Yan)!"

ឈរក្បែរផ្ទាំងថ្មនៅខាងក្រោម អ្នកត្រួតពិនិត្យបានប្រកាសឈ្មោះនេះដោយការលំបាក។

"បង ស៊ាវ យ៉ាន (Xiao Yan ge-ge) ដល់វេនបងហើយ..." ស៊ុន អឺរ (Xun Er) និយាយតិចៗ ដៃតូចដ៏ទន់ភ្លន់របស់នាងបានកាន់ដៃរបស់ ស៊ាវ យ៉ាន (Xiao Yan) ស្រាលៗ។

ងើបក្បាលឡើងបន្តិច ស៊ាវ យ៉ាន (Xiao Yan) បើកភ្នែក ហើយសម្លឹងមើលទៅទីលានហ្វឹកហាត់។ គេមិនអាចទប់ចិត្តបានឡើយ ក៏លួចសើចតិចៗ នៅពេលដែលគេឃើញក្រសែភ្នែកដែលពោរពេញដោយការរំពឹងទុកចង់ឃើញគេបរាជ័យ!

ក្រោកឈរឡើងយឺតៗ ស៊ាវ យ៉ាន (Xiao Yan) ងាកក្បាលទៅកាន់វេទិកាខ្ពស់ ហើយញញឹមដាក់ ស៊ាវ ចាន់ (Xiao Zhan)។

សម្លឹងមើលកូនប្រុសរបស់ខ្លួនដែលកំពុងដើរមកមុខទាំងញញឹមដាក់ខ្លួន ស៊ាវ ចាន់ (Xiao Zhan) ក៏ងក់ក្បាលដោយក្ដីរីករាយ ខណៈដែលដៃម្ខាងលើកពែងតែមកផឹក ហើយផ្អែកខ្លួនទៅក្រោយលើកៅអីយ៉ាងរំភើយ។

ដកដង្ហើមចូលស្ងាត់ៗ ស៊ាវ យ៉ាន (Xiao Yan) ដើរសំដៅទៅកាន់ផ្ទាំងថ្មដោយទំនុកចិត្ត។ ភ្នែករបស់គេជះពន្លឺដ៏ចម្លែកមួយ ដែលធ្វើឱ្យសមាជិកត្រកូលដែលកំពុងសើចចំអែកទាំងឡាយ បើកភ្នែកធំៗ។

នៅក្រោមក្រសែភ្នែកដ៏ស្មុគស្មាញជាច្រើន ចុងក្រោយ ស៊ាវ យ៉ាន (Xiao Yan) ក៏បានទៅដល់ផ្ទាំងថ្មខ្មៅ។

សម្លឹងមើលយុវជនក្នុងអាវពណ៌ខ្មៅនៅចំពោះមុខ អ្នកត្រួតពិនិត្យបានលួចដកដង្ហើមធំក្នុងចិត្ត។ កាលពីឆ្នាំនោះ នៅពេលដែល ស៊ាវ យ៉ាន (Xiao Yan) បង្កើតអព្ភូតហេតុ គេគឺជាសាក្សីដំបូងគេដែលបានឃើញវា ប៉ុន្តែគេក៏ជាសាក្សីនៃជំហានដ៏សោកសៅរបស់ទេពកោសល្យម្នាក់នេះក្នុងរយៈពេល ៣ ឆ្នាំ បន្ទាប់ពីពន្លឺដ៏ចែងចាំងនោះបានរលត់ទៅ។ ប្រសិនបើអព្ភូតហេតុនៅថ្ងៃនេះមិនកើតឡើងទេ នេះក៏នឹងក្លាយជាលើកចុងក្រោយដែលយុវជនម្នាក់នេះត្រូវទទួលការធ្វើតេស្តដែរ។

នៅលើទីលានហ្វឹកហាត់ ក្រសែភ្នែកដ៏មុតស្រួចបានផ្ដោតទៅលើ ស៊ាវ យ៉ាន (Xiao Yan) ដែលទ្រូងរបស់គេកំពុងផុសឡើងយឺតៗ ខណៈដែលគេលើកដៃមកខាងមុខ ហើយដាក់វានៅលើផ្ទាំងថ្មដ៏ត្រជាក់ និងរឹងមាំ។

នៅខណៈពេលនេះ គ្រប់គ្នាបានផ្ដោតខ្សែភ្នែកទៅលើផ្ទាំងថ្ម។ ពួកគេដឹងថា នេះគឺជាលើកចុងក្រោយដែលពួកគេនឹងបានឃើញទេពកោសល្យដែលធ្លាប់ធ្វើឱ្យកក្រើកពេញទីក្រុង អ៊ូ តាន់ (Wu Tan City) មកទទួលការធ្វើតេស្តកម្លាំងធាតុ (Dou Qi) បែបនេះ។

ផ្ទាំងថ្មស្ងាត់ឈឹងមួយសន្ទុះ មុននឹងពន្លឺដ៏ចែងចាំងបានផ្ទុះចេញមក!

នៅលើផ្ទាំងថ្មវាស់កម្រិតថាមពល គឺជាអក្សរពណ៌លឿងចែងចាំង ដែលធ្វើឱ្យបេះដូងរបស់មនុស្សគ្រប់គ្នានៅក្នុងទីលានហាក់ដូចជាឈប់ដើរមួយខណៈ។

"កម្លាំងធាតុ (Dou Zi Li)... កម្រិតទី ៧ (7 Duan)!"