[{"data":1,"prerenderedAt":30},["ShallowReactive",2],{"novel:public:unknown":3,"chapter-69e4a6e1f3eaf7bd884d7aa4":4},null,{"novel_id":5,"number":6,"title":7,"content":8,"coin_type":9,"coin_amount":10,"coin_gold":10,"coin_silver":10,"translation":11,"status":12,"createdAt":13,"updatedAt":14,"__v":10,"id":15,"novel_title":16,"novel_slug":17,"unlock_options":18,"locked":19,"requires_auth":19,"preview":11,"navigation":20},"69760c82a5ba2989a9c50381",108,"កម្លាំងបង្កប់នៃ «កម្លាំងផ្ទុះប្រាំបីទិស»","\u003Cdiv>ព្រះច័ន្ទមួយចំណិតឯកោ កំពុងព្យួរខ្លួននៅលើមេឃនាពាក់កណ្តាលអធ្រាត្រដ៏ងងឹតស្លុប ខណៈដែលពន្លឺដ៏ត្រជាក់ និងខ្សោយរបស់វា បានគ្របដណ្តប់លើទឹកដីដ៏ធំល្វឹងល្វើយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>នៅក្នុងព្រៃដ៏ងងឹតងងុល ភ្នក់ភ្លើងតូចមួយបានរាំរែកយ៉ាងស្រទន់ ដោយនាំមកនូវពន្លឺដ៏កក់ក្តៅដល់រាត្រីដ៏ស្ងប់ស្ងាត់ និងងងឹតសូន្យសុង។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>នៅក្បែរភ្នក់ភ្លើងនោះ យុវជនម្នាក់កំពុងផ្អែកខ្នងនឹងដើមឈើ ហើយយកឈើកូរភ្លើងក្នុងដៃដុតរុញកម្ទេចភ្លើងទាំងអារម្មណ៍មិននៅនឹងខ្លួន។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>រាប់ទាំងថ្ងៃនេះ វាមានរយៈពេលប្រាំថ្ងៃហើយ ចាប់តាំងពី ស៊ាវយ៉ាន (Xiao Yan) បានចាកចេញពីទីក្រុង វូថាន់ (Wu Tan City)។ ភាពស្រស់ស្រាយដំបូងៗបានរលាយបាត់បន្តិចម្តងៗតាមដំណើរដ៏ឯកោរបស់គេ។ អារម្មណ៍នឹកផ្ទះបានចាប់ផ្តើមលូនចូលក្នុងបេះដូងរបស់យុវជនម្នាក់នេះជំនួសវិញ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>បន្ទាប់ពីបោះឧសមួយដុំទៀតចូលទៅក្នុងភ្នក់ភ្លើងដែលធ្វើឱ្យវាឆេះសន្ធោសន្ធៅឡើងវិញ ស៊ាវយ៉ាន បានយកដៃច្រកចង្កា រួចនិយាយយ៉ាងខ្ជិលច្រអូសថា៖ «លោកគ្រូ តើយើងកំពុងទៅទីណាឱ្យប្រាកដទៅ?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ជួរភ្នំសត្វចម្លែក (Magic Beast Mountain Range)» សំឡេងចំណាស់មួយបានបន្លឺចេញពីក្នុងចិញ្ចៀននៅលើម្រាមដៃរបស់គេ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ខ្ញុំស្មានថាយើងក៏អាចចូលទៅក្នុងជួរភ្នំសត្វចម្លែកពីក្បែរទីក្រុង វូថាន់ បានដែរតើ។ ហេតុអ្វីបានជាយើងត្រូវធ្វើដំណើរមកឆ្ងាយម្ល៉េះ?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«យើងកំពុងស្ថិតនៅភាគខាងកើតនៃជួរភ្នំសត្វចម្លែក។ ដោយការធ្វើដំណើរឆ្លងកាត់ទីនេះ យើងអាចទៅដល់វាលខ្សាច់តាហ្គ័រ (Tagger Desert)។ នោះគឺជាគោលដៅចុងក្រោយសម្រាប់ការហ្វឹកហាត់របស់យើង» យ៉ាវ ឡៅ (Yao Lao) ពោល។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ធ្វើដំណើរឆ្លងកាត់ជួរភ្នំសត្វចម្លែកត្រង់តែម្តង?» ជ្រុងមាត់របស់ ស៊ាវយ៉ាន ហាឡើង ខណៈដែលគេសើចស្ងួត៖ «កម្លាំងបច្ចុប្បន្នរបស់ខ្ញុំ អាចទប់ទល់បានតែជាមួយសត្វចម្លែកក្មេងៗប៉ុណ្ណោះ។ យ៉ាងច្រើនបំផុត ខ្ញុំអាចត្រឹមតែដើរលេងនៅតាមជាយភ្នំ។ តើវាមិនមែនជារឿងមិនអាចទៅរួចទេឬ ក្នុងការកាត់កណ្តាលជួរភ្នំនេះ?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«មានតែនៅក្នុងកន្លែងដ៏គ្រោះថ្នាក់ប៉ុណ្ណោះ ទើបទេពកោសល្យរបស់មនុស្សម្នាក់អាចផ្ទុះឡើងយ៉ាងពិតប្រាកដ» យ៉ាវ ឡៅ និយាយដោយសំឡេងរាបស្មើ «យើងគ្រោងនឹងជួយឯងឱ្យឡើងដល់លំដាប់គ្រូ (Dou Shi) នៅក្នុងជួរភ្នំសត្វចម្លែកនេះ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«អឺ... ចុះខ្ញុំត្រូវស្នាក់នៅក្នុងជួរភ្នំសត្វចម្លែកពេញមួយកំឡុងពេលហ្វឹកហាត់តែម្តងមែនទេ?» នៅពេលឮការប្រកាសនេះ ផ្ទៃមុខរបស់ ស៊ាវយ៉ាន ក៏ប្រែជាជូរចត់ភ្លាមៗ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«យើងប៉ាន់ស្មានថាវាអាចនឹងចំណាយពេលមួយឆ្នាំ។ សម្រាប់កន្លះឆ្នាំដែលនៅសល់ ឯងត្រូវទៅហ្វឹកហាត់នៅវាលខ្សាច់តាហ្គ័រ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«វាលខ្សាច់តាហ្គ័រ?» ស៊ាវយ៉ាន គ្រវីក្បាលទាំងរអ៊ូម្នាក់ឯង។ បំភ្លេចវាចុះ ទោះជាយ៉ាងណាក៏គេមាន យ៉ាវ ឡៅ នៅក្បែរចាំការពារដែរ។ លោកគ្រូប្រហែលជាមិនបណ្តោយឱ្យគេត្រូវសត្វចម្លែកស៊ីនោះទេ... មែនទេ?\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>អង្អែលចង្កា ស៊ាវយ៉ាន លិទ្ធបបូរមាត់ រួចសួរទាំងញញឹមថា៖ «អ្នកគ្រូ... ចុះចំណែកបច្ចេកទេសប្រយុទ្ធ ថ្នាក់ដី (Di Tier) នោះវិញ?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«អាល្អិត! ឯងមិនមានអារម្មណ៍ធុញទ្រាន់ខ្លះទេឬ ដែលសួរដដែលៗរាល់ថ្ងៃបែបនេះ?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឮ ស៊ាវយ៉ាន សួរពាក្យដដែលៗបែបនេះ យ៉ាវ ឡៅ មានអារម្មណ៍ចង់សើចផង ចង់យំផង។ លោកគ្រវីក្បាលដោយភាពទាល់ច្រក រួចនៅស្ងៀមមួយសន្ទុះ។ ចុងក្រោយ លោកក៏ពោលថា៖ «បន្ទាប់ពីចូលទៅក្នុងជួរភ្នំសត្វចម្លែក យើងនឹងបង្រៀនឯងនូវបច្ចេកទេសប្រយុទ្ធ ថ្នាក់ដី។ នៅខាងក្រៅនេះមានភ្នែកច្រើនពេក។ ប្រសិនបើមាននរណាម្នាក់ឃើញដោយចៃដន្យ វានឹងបង្កបញ្ហាមិនខាន»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>នៅពេលឮថាត្រូវពន្យារពេលពីរបីថ្ងៃទៀត ស៊ាវយ៉ាន ក៏ងក់ក្បាលទាំងស្រពោន។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«មើលកាយវិការមិនបានការរបស់ឯងចុះ។ ឯងមិនយល់ពីន័យថា «ដំរីស្លាប់យកចង្អេរទៅបាំង» ទេឬ? (ក្នុងន័យនេះ លោកចង់មានន័យថា មិនទាន់ចេះអាមួយហ្នឹងច្បាស់ផង ចង់រៀនអាថ្មី)។ «បាតដៃស្រូប (Vacuum Hand)» និង «បាតដៃភ្លើង (Fire Palm)» របស់ឯង ពិតជាត្រូវបានហ្វឹកហាត់រហូតដល់កម្រិតឥតខ្ចោះមែន ប៉ុន្តែ «កម្លាំងផ្ទុះប្រាំបីទិស (Octane Blast)» របស់ឯង គឺទើបតែចេះបានបន្តិចបន្តួចនៅខាងក្រៅប៉ុណ្ណោះ»។ ឃើញ ស៊ាវយ៉ាន បាក់ទឹកចិត្ត យ៉ាវ ឡៅ ក៏មិនអាចទប់ការស្តីបន្ទោសបាន។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ទើបតែចេះបន្តិចបន្តួច? ម៉េចនឹងអាចទៅរួច? កាលពីលើកមុនពេលប្រយុទ្ធជាមួយ ជា ជា លីអាវ (Jia Lie Ao) ខ្ញុំបានប្រើ «កម្លាំងផ្ទុះប្រាំបីទិស» វាយបំបាក់ដៃរបស់គេបានតើ!» ឮការស្តីបន្ទោសរបស់ យ៉ាវ ឡៅ ស៊ាវយ៉ាន ក៏រអ៊ូទាំងមិនពេញចិត្ត។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ហា ហា ត្រឹមត្រូវហើយ។ ឯងប្រហែលជាអាចវាយបំបាក់ដៃរបស់គេមែន ប៉ុន្តែតើជើងរបស់ឯងមិនបានរឹងស្ពឹកក្នុងដំណើរការនោះទេឬ? ប្រសិនបើមិនមែនដោយសារឯងឆក់ឱកាសពេល ជា ជា លីអាវ (Jia Lie Ao) មិនប្រយ័ត្នទេនោះ យ៉ាងច្រើនបំផុតការប្រយុទ្ធរបស់ឯងនឹងបញ្ចប់ដោយស្មើគ្នា»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>យ៉ាវ ឡៅ និយាយទាំងសំណើច៖ «កម្លាំងវាយប្រហារនៃ «កម្លាំងផ្ទុះប្រាំបីទិស» គឺគ្រប់គ្រាន់ក្នុងការប្រៀបធៀបទៅនឹងបច្ចេកទេសប្រយុទ្ធ ថ្នាក់ដី កម្រិតទាប។ ប្រសិនបើហ្វឹកហាត់បានត្រឹមត្រូវ វាមិនពិបាកទេដែលកម្លាំងប្រយុទ្ធពិតប្រាកដរបស់ឯង អាចលើសពីអ្នកដែលខ្លាំងជាងឯងពី ២ ទៅ ៣ ផ្កាយ។ ប៉ុន្តែនៅក្នុងដៃរបស់ឯង វាស្ទើរតែបង្កឱ្យមានស្ថានភាពដែលរបួសទាំងសងខាង ទោះបីជាគូប្រកួតរបស់ឯងស្ថិតក្នុងផ្កាយស្មើគ្នាជាមួយឯងក៏ដោយ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ស៊ាវយ៉ាន ក៏ប្រែជាស្ងាត់មាត់។ គេជ្រួញចិញ្ចើមយ៉ាងណែន ហើយធ្លាក់ក្នុងអន្លង់គំនិត។ ក្នុងចិត្តរបស់គេ ស្រាប់តែនឹកឃើញដល់ការណែនាំអំពី «កម្លាំងផ្ទុះប្រាំបីទិស» កាលពីពេលដែល យ៉ាវ ឡៅ បានផ្ទេរបច្ចេកទេសប្រយុទ្ធនេះមកឱ្យគេ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«កម្លាំងផ្ទុះប្រាំបីទិស៖ ជាបច្ចេកទេសប្រយុទ្ធ ថ្នាក់អាថ៌កំបាំង (Xuan Tier) កម្រិតខ្ពស់ វាគឺជាបច្ចេកទេសប្រយុទ្ធបែបប្រកៀកដែលផ្ដោតលើការវាយប្រហារដ៏ច្រើនសន្ធឹកសន្ធាប់។ នៅពេលដែលហ្វឹកហាត់បានសម្រេច ការផ្ទុះរបស់វាមានសមាសភាពមកពីកម្លាំងរុញច្រានចំនួនប្រាំបី ដែលរួមបញ្ចូលគ្នាបង្កើតបានជាកម្លាំងវាយប្រហារស្មើនឹងបច្ចេកទេសប្រយុទ្ធ ថ្នាក់ដី កម្រិតទាប!»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«កម្លាំងប្រាំបីផ្សេងគ្នាត្រូវតែបង្កើនជាលំដាប់ក្នុងអំឡុងពេលហ្វឹកហាត់។ តើឯងពិតជាបានចេះកម្លាំងប៉ុន្មានទៅ? ហា ហា មើលទៅក្រៅពីកម្លាំងនៅខាងក្រៅ ឯងមិនទាន់មានកម្លាំងបង្កប់សូម្បីតែបន្តិច មែនទេ?» យ៉ាវ ឡៅ និយាយយ៉ាងរាបស្មើ៖ «ប្រសិនបើឯងអាចបន្ថែមកម្លាំងបង្កប់ដោយសម្ងាត់ទៅលើកម្លាំងខាងក្រៅ ឯងច្បាស់ជាអាចវាយឆ្មក់ ជា ជា លីអាវ (Jia Lie Ao) ឱ្យភ្ញាក់ផ្អើលក្នុងការប្រយុទ្ធកាលពីពេលនោះ ហើយនឹងមិនបាច់ចំណាយកម្លាំងពិបាកខ្លាំងបែបនេះឡើយ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«តើត្រូវហ្វឹកហាត់កម្លាំងបង្កប់ដោយរបៀបណា?» ទឹកមុខរបស់គេចាប់ផ្តើមប្រែជាម៉ឺងម៉ាត់ ខណៈដែល ស៊ាវយ៉ាន ទីបំផុតបានដឹងពីបញ្ហាសំខាន់ដែលគេបានមើលរំលង។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«នៅពេលដែលឯងប្រើ «កម្លាំងផ្ទុះប្រាំបីទិស» កាលពីមុន ឯងគ្រាន់តែវាយចេញយ៉ាងសាហាវក្នុងពេលតែមួយ ដោយគ្មានបច្ចេកទេសអ្វីបន្តិចសោះ។ យើងមិនដែលលើកយករឿងនេះមកនិយាយពីមុនមក ដោយសារហេតុផលពីរយ៉ាង។ ទីមួយគឺកម្លាំងរបស់ឯងនៅខ្សោយពេក។ ហេតុផលទីពីរគឺឯងមិនដែលរកឃើញរឿងនេះដោយខ្លួនឯង»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ស៊ាវយ៉ាន អង្អែលក្បាលដោយភាពអៀនខ្មាស។ គេមិនដែលគិតពីបញ្ហាកម្លាំងបង្កប់មែន។ នេះគឺដោយសារតែគ្រាន់តែកម្លាំងខាងក្រៅ «កម្លាំងផ្ទុះប្រាំបីទិស» ក៏មានកម្លាំងផ្ទុះខ្លាំងគួរឱ្យភ្ញាក់ផ្អើល ដែលធ្វើឱ្យគេពេញចិត្តជាខ្លាំងទៅហើយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«បិទភ្នែក ហើយផ្ដោតអារម្មណ៍ឱ្យជ្រៅទៅក្នុងវិញ្ញាណរបស់ឯង» យ៉ាវ ឡៅ បញ្ជាតិចៗ ធ្វើឱ្យ ស៊ាវយ៉ាន ប្រញាប់អង្គុយពែនភ្នែនក្នុងក្បាច់ហ្វឹកហាត់។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>នៅក្បែរភ្នក់ភ្លើង យុវជនម្នាក់បានបិទភ្នែកយឺតៗ ហើយបរិយាកាសជុំវិញក៏ប្រែជាស្ងប់ស្ងាត់ម្តងទៀត។ មានតែសំឡេងប្រេះនៃឧសក្នុងភ្លើង និងសំឡេងសត្វល្អិតយំតិចៗប៉ុណ្ណោះ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>បន្ទាប់ពីភាពស្ងប់ស្ងាត់បានអូសបន្លាយយ៉ាងយូរ ស៊ាវយ៉ាន ដែលបានបិទភ្នែកនោះ ស្រាប់តែបើកភ្នែកឡើង។ គេជ្រួញចិញ្ចើមបន្តិច ខណៈដែលគេកំពុងគិតពិចារណាពីការសន្ទនាដែលគេមានជាមួយ យ៉ាវ ឡៅ ក្នុងចិត្ត។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ក្រោយភាពស្ងប់ស្ងាត់យ៉ាងយូរ ស៊ាវយ៉ាន ក៏បានបន្ធូរចិញ្ចើមយឺតៗ។ គេងក់ក្បាលបន្តិច រួចក្តាប់កណ្តាប់ដៃយ៉ាងណែន ដែលនៅទីនោះកម្លាំងធាតុ (Dou Qi) ពណ៌លឿងខ្ចីបានប្រមូលផ្តុំគ្នា។ ក្រោយភាពស្ងៀមស្ងាត់មួយភ្លែត កណ្តាប់ដៃរបស់គេបានដាល់យ៉ាងខ្លាំងទៅលើដើមឈើដ៏ធំមួយ ខណៈដែលគេស្រែកតិចៗ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«កម្លាំងផ្ទុះប្រាំបីទិស!»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ផាំង!»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សំឡេងប៉ះគ្នាបានបន្លឺឡើង។ នៅត្រង់ចំណុចដែលកណ្តាប់ដៃរបស់គេបានដាល់ទៅនោះ រន្ធតូចមួយត្រូវបានបង្កើតឡើង រួមជាមួយនឹងស្នាមប្រេះមួយចំនួនដែលរីករាលដាលចេញពីវា។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ភឹប!»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>មិនយូរប៉ុន្មានបន្ទាប់ពីសំឡេងដំបូងបានរលត់ទៅ សំឡេងផ្ទុះងំៗមួយទៀតបានបន្លឺឡើងពីក្នុងដើមឈើនោះ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«គ្រឹប...» កម្លាំងដែលអមមកជាមួយសំឡេងងំៗទីពីរនោះ ត្រូវបានបញ្ជូនត្រង់ទៅជ្រៅក្នុងដើមឈើ។ មួយសន្ទុះក្រោយមក វាក៏ផ្ទុះឡើងភ្លាមៗពីខាងក្នុង។ ដើមឈើដ៏ធំដែលត្រូវបានខូចខាតដោយសារកម្លាំងបង្កប់នេះ ក៏ប្រែជាយោលយោក ហាក់ដូចជាជិតនឹងដួលរលំ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«តើ... តើវាជាកម្លាំងបង្កប់ដ៏ខ្លាំងក្លាអ្វីបែបនេះ!»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ដោយឃើញនូវកម្លាំងបំផ្លិចបំផ្លាញដែលហាក់ដូចជាកើនឡើងជាច្រើនដងបែបនេះ ស៊ាវយ៉ាន ក៏មានការស្រឡាំងកាំងជាខ្លាំង។ ទោះបីជាកម្លាំងបង្កប់នេះបានប្រើប្រាស់អស់មួយភាគបីនៃកម្លាំងធាតុរបស់គេក៏ដោយ ប៉ុន្តែឥទ្ធិពលរបស់វាគឺពិតជាធំជាងកម្លាំងធាតុដែលបានចំណាយទៅឆ្ងាយណាស់។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>««កម្លាំងផ្ទុះប្រាំបីទិស» ដែលមានកម្លាំងបង្កប់ ពិតជាស័ក្តិសមនឹងការពិពណ៌នាថាជាគូប្រកួតនឹងបច្ចេកទេសថ្នាក់ដីមែន» ស៊ាវយ៉ាន ដកដង្ហើមធំដោយភាពភ្ញាក់ផ្អើល ខណៈដែលគេដកកណ្តាប់ដៃមកវិញយឺតៗ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«មិនអាក្រក់ទេ ដែលអាចបញ្ចេញកម្លាំងបង្កប់បានក្នុងការសាកល្បងលើកដំបូង។ ទោះជាយ៉ាងណាក៏ដោយ វានៅមិនទាន់រលូនឡើយ ហើយវាចំណាយពេលយូរពេកទម្រាំកម្លាំងបង្កប់ផ្ទុះឡើង។ ក្នុងអំឡុងពេលនេះ ប្រសិនបើគូប្រកួតរបស់ឯងមានវិញ្ញាណរស់រវើក គេនឹងអាចកម្ចាត់កម្លាំងបង្កប់នេះបាន មុនពេលវាផ្ទុះឡើង» យ៉ាវ ឡៅ បានពោលសរសើរ មុននឹងនិយាយក្នុងន័យចង្អុលបង្ហាញពីចំណុចខ្វះខាតបន្តិចបន្តួច។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ហា ហា មិនអីទេ នេះគ្រាន់តែជាលើកដំបូងប៉ុណ្ណោះ។ ឱ្យតែខ្ញុំមានការហ្វឹកហាត់កាន់តែច្រើន ខ្ញុំជឿថាខ្ញុំនឹងអាចគ្រប់គ្រងពេលវេលាដែលកម្លាំងបង្កប់ផ្ទុះឡើងបាន» ស៊ាវយ៉ាន បានដាល់ចេញយ៉ាងលឿនពីរបីកណ្តាប់ដៃ។ ជោគជ័យរបស់គេជាមួយកម្លាំងបង្កប់នៅថ្ងៃនេះ បានបង្កើនសមត្ថភាពប្រយុទ្ធរបស់ ស៊ាវយ៉ាន យ៉ាងខ្លាំង។ ក្នុងពេលជាមួយគ្នានេះ វាក៏បានផ្តល់ឱ្យ ស៊ាវយ៉ាន នូវទំនុកចិត្ត និងក្តីរំភើប។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ដោយងក់ក្បាល យ៉ាវ ឡៅ ស្ទាក់ស្ទើរមួយភ្លែត មុននឹងពោលថា៖ «ទោះបីជា «វិជ្ជាអណ្តាតភ្លើង (Flame Mantra)» ពិតជាមានសមត្ថភាពចម្លែកក្នុងការវិវឌ្ឍក៏ដោយ ប៉ុន្តែកម្រិតចាប់ផ្តើមនៃវិធីសាស្ត្រដាំដុះនេះគឺទាបពេកហើយ។ កម្លាំងធាតុនៅក្នុងខ្លួនរបស់ឯង អាចផ្តល់ការគាំទ្រឱ្យឯងប្រើកម្លាំងបង្កប់បានតែពីរបីដងប៉ុណ្ណោះ។ ប្រសិនបើឯងត្រូវប្រយុទ្ធជាមួយអ្នកដទៃនៅថ្ងៃអនាគត ឯងត្រូវតែសម្លាប់ឱ្យបានក្នុងមួយក្បាច់។ «កម្លាំងផ្ទុះប្រាំបីទិស» នេះ គឺត្រូវបានបង្កើតឡើងដើម្បីក្លាយជាបច្ចេកទេសប្រយុទ្ធសម្រាប់សម្លាប់ដ៏រហ័សដូចរន្ទះបាញ់»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«បាទ» ស៊ាវយ៉ាន ងក់ក្បាលយ៉ាងម៉ឺងម៉ាត់។ គេយល់យ៉ាងច្បាស់ពីចំណុចខ្សោយរបស់គេ ដែលមានកម្លាំង និងកម្លាំងធាតុតិចតួច។ ប្រសិនបើគេមិនអាចយកឈ្នះគូប្រកួតបាន មុនពេលកម្លាំងធាតុរបស់គេអស់នោះ អ្នកដែលនឹងត្រូវចាញ់គឺរូបគេមិនខាន។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«មើលទៅយើងត្រូវរកវិធីដើម្បីពន្លឿនការហ្វឹកហាត់កម្លាំងធាតុរបស់ឯងហើយ។ នៅពេលដែលយើងចូលទៅក្នុងជួរភ្នំសត្វចម្លែក យើងនឹងណែនាំឯងឱ្យស្វែងរកឱសថកម្រៗមួយចំនួនដែលត្រូវការសម្រាប់ចម្រាញ់ថ្នាំ។ នៅពេលនេះ ឯងត្រូវការជំនួយពីឱសថ បន្ថែមលើការផ្អែកលើទេពកោសល្យរបស់ឯង» យ៉ាវ ឡៅ និយាយយ៉ាងជ្រាលជ្រៅ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ស៊ាវយ៉ាន ញញឹម។ គេស្រាប់តែលើកចិញ្ចើម ហើយនិយាយថា៖ «ណាឡាន យ៉ានរ៉ាន (Nalan Yanran) ម្នាក់នោះ ក៏ប្រហែលជាកំពុងប្រើវិធីហ្វឹកហាត់បែបនេះដែរ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ហា ចុះយ៉ាងម៉េច? ក្នុងចក្រភព ជា ម៉ា ទាំងមូល ជំនាញចម្រាញ់ថ្នាំ (Alchemy) របស់អាម្នាក់ឈ្មោះ ហ្គូ ហេ នោះ ត្រូវបានគេចាត់ទុកថាជាកម្រិតកំពូលមែន។ ប៉ុន្តែនៅក្នុងក្រសែភ្នែករបស់យើង គេគ្មានតម្លៃអ្វីទាំងអស់។ ចង់មកប្រកួតជំនាញចម្រាញ់ថ្នាំជាមួយយើងមែនទេ? ក្នុងទ្វីបកម្លាំងធាតុទាំងមូលនេះ ឯងមិនអាចរកអ្នកដែលខ្លាំងជាងយើងសូម្បីតែប្រាំនាក់បានផង!» យ៉ាវ ឡៅ និយាយយ៉ាងរាបស្មើ សំឡេងដ៏រាបស្មើនេះបានលាក់ទុកនូវភាពក្រអឺតក្រទម និងការមើលងាយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ស៊ាវយ៉ាន អង្អែលច្រមុះ មានអារម្មណ៍ឆ្ងល់បន្តិចអំពីប្រវត្តិរូបរបស់ យ៉ាវ ឡៅ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«អូ ត្រូវហើយ។ កាន់របស់នេះទៅ។ ចាប់ពីពេលនេះតទៅ ឯងមិនត្រូវបានអនុញ្ញាតឱ្យដាក់វាចុះឡើយ សូម្បីតែពេលគេងក៏ដោយ»។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>យ៉ាវ ឡៅ បាននៅស្ងៀមមួយសន្ទុះ មុនពេលដែលវត្ថុខ្មៅដ៏ធំមួយស្រាប់តែបាញ់ចេញពីចិញ្ចៀនចាស់នោះ ហើយធ្លាក់មកលើដីយ៉ាងខ្លាំង បង្កឱ្យធូលីហុយឡើងលើ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«អឺ...» ស៊ាវយ៉ាន សម្លឹងមើលវត្ថុខ្មៅងងឹតដែលមានកម្ពស់ខ្ពស់ស្មើនឹងរូបគេទាំងស្រងាកចិត្ត។ ញើសត្រជាក់បានលេចឡើងនៅលើថ្ងាសរបស់គេ ខណៈដែលគេលេបទឹកមាត់ ហើយសួរថា៖ «នេះ... តើរបស់នេះសម្រាប់ធ្វើអ្វី?»\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«របស់នេះត្រូវបានធ្វើឡើងពីដែកអាចម៍ផ្កាយខ្មៅ ហើយប្រហែលជាមានតែមួយគត់នៅក្នុងទ្វីបទាំងមូលនេះ។ វាមិនត្រឹមតែពិបាកក្នុងការបំបែកប៉ុណ្ណោះទេ ថែមទាំងមានទម្ងន់ធ្ងន់បំផុតទៀតផង។ អ្វីដែលសំខាន់បំផុតនោះគឺ វាមានឥទ្ធិពលចម្លែកក្នុងការបង្ក្រាបកម្លាំងធាតុរបស់មនុស្សម្នាក់។ ប្រសិនបើឯងអាចស៊ាំនឹងការស្ថិតក្រោមការបង្ក្រាបរបស់វា នៅពេលដែលឯងដោះវាចេញក្នុងការប្រយុទ្ធនៅថ្ងៃអនាគត កម្លាំងរបស់ឯងបន្ទាប់ពីដោះវាចេញ នឹងធ្វើឱ្យគ្រប់គ្នាមានការភ្ញាក់ផ្អើល» យ៉ាវ ឡៅ និយាយទាំងញញឹម ខណៈដែលលោកផ្តល់ការពន្យល់ជាក្រោយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>«ហើយបច្ចេកទេសប្រយុទ្ធ ថ្នាក់ដី ដែលយើងនឹងបង្រៀនឯងនៅថ្ងៃអនាគត ក៏មានទំនាក់ទំនងជាមួយរបស់នេះដែរ»។\u003C\u002Fdiv>","free",0,"","published","2026-04-19T09:56:49.784Z","2026-04-19T13:19:08.946Z","69e4a6e1f3eaf7bd884d7aa4","Battle Through the Heavens","battle-through-the-heavens",[],false,{"previous":21,"next":25,"position":6,"total":29},{"id":22,"number":23,"title":24},"69e478faf3eaf7bd884d7a81",107,"បក្សពពកអ័ព្ទ",{"id":26,"number":27,"title":28},"69e4e3f4c84758cfcb2d1599",109,"ខ្លឹមឈូកឈាម (Blood Lotus Essence)",322,1790177383075]