[{"data":1,"prerenderedAt":30},["ShallowReactive",2],{"novel:public:unknown":3,"chapter-69ce6b943df9042055a9525c":4},null,{"novel_id":5,"number":6,"title":7,"content":8,"coin_type":9,"coin_amount":10,"coin_gold":10,"coin_silver":10,"translation":11,"status":12,"createdAt":13,"updatedAt":14,"__v":10,"id":15,"novel_title":16,"novel_slug":17,"unlock_options":18,"locked":19,"requires_auth":19,"preview":11,"navigation":20},"69760c82a5ba2989a9c50381",38,"អាល្អិតម្នាក់នេះមិនសាមញ្ញឡើយ","\u003Cdiv>សម្ដីរបស់ សៀវ យ៉ាន (Xiao Yan) បានចាក់ចំចំណុចខ្សោយរបស់ សៀវ យូ (Xiao Yu) ដែលធ្វើឱ្យនាងខឹងច្រឡោត ហើយដាក់ដៃទៅលើដាវដែលនៅចង្កេះភ្លាម។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ដោយការសើចចំអក សៀវ យ៉ាន បានផ្អែកខ្នងទៅក្រោយ រួចនិយាយយ៉ាងរំភើយថា៖ “ចង់វាយគ្នាមែនទេ?”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“ចុះយ៉ាងម៉េច!” សៀវ យូ បានក្ដាប់ដាវរបស់នាងយ៉ាងណែន ខណៈពេលព្យាយាមទប់ចិត្តមិនឱ្យហូតវាចេញមកកាប់ សៀវ យ៉ាន។ នាងបាននិយាយឌឺដងថា៖ “ទោះបីជាទេពកោសល្យរបស់ឯងត្រឡប់មកវិញក៏ដោយ តើវាមានន័យអី? កាលពី ៣ ឆ្នាំមុន ខ្ញុំ សៀវ យូ អាចធ្វើឱ្យឯងរត់យកព្រលឹងរៀងខ្លួន ហើយ ៣ ឆ្នាំក្រោយមក ខ្ញុំនៅតែអាចធ្វើវាបានដដែល។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ចិញ្ចើមរបស់ សៀវ យ៉ាន បានជ្រួញចូលគ្នា ខណៈដែលគេសម្លឹងទៅកាន់ឯកសណ្ឋានសាលាពណ៌ស្វាយខ្ចីរបស់ សៀវ យូ ដែលមានរូបផ្កាយមាស ៣ នៅលើទ្រូង។ ផ្កាយទាំងនេះតំណាងឱ្យកម្លាំងរបស់ សៀវ យូ ដែលជា លំដាប់អ្នកហ្វឹកហាត់ (Dou Zhe) ផ្កាយ ៣។ មើលទៅរយៈពេលមួយឆ្នាំនៅក្នុងសាលារបស់នាង គឺមិនមែនខ្ជះខ្ជាយឡើយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“តើភ្នែកដ៏កខ្វក់របស់ឯងកំពុងសម្លឹងមើលស្អី?” ឃើញកន្លែងដែល សៀវ យ៉ាន កំពុងសម្លឹងមើល ផ្ទៃមុខដែលខ្មៅងងឹតស្រាប់របស់ សៀវ យូ កាន់តែអាក្រក់ជាងមុន។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“មិនមែននាងស្លៀកពាក់បែបហ្នឹង ដើម្បីឱ្យគេចាប់អារម្មណ៍ទេអី?” សៀវ យ៉ាន បានយកដៃប៉ះច្រមុះ។ សម្ដីដែលនិយាយដោយមិនបានគិតរបស់គេ បានធ្វើឱ្យ សៀវ យូ ផ្ទុះកំហឹងយ៉ាងខ្លាំង។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“អាតិរច្ឆាន!” ដោយខាំធ្មេញគ្រឺតៗ សៀវ យូ ដែលឈានដល់កម្រិតកំណត់នៃភាពអត់ធ្មត់ បានហូតដាវចេញពីស្រោមយ៉ាងលឿនឮសូរ \"ឆឹង\"។ នាងភ្ជង់ដាវទៅរក សៀវ យ៉ាន រួចពោលថា៖ “ឯងពិតជាគិតថា ខ្ញុំមិនហ៊ានកាត់អណ្ដាតឯងចោលមែនទេ?!”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សម្លឹងមើលដាវដែកដែលភ្លឺថ្លានៅចំពោះមុខ សៀវ យ៉ាន មិនទាំងព្រិចភ្នែកផង គេនិយាយថា៖ “ហេតុអីមិនសាកមើលទៅ?”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ខណៈពេលកំពុងនិយាយ ដៃស្ដាំរបស់ សៀវ យ៉ាន បានក្ដាប់បន្តិច ស្របពេលដែលថាមពលវដ្តមួយបានកកើតឡើងយឺតៗ។ ជាមួយនឹង បច្ចេកទេសប្រយុទ្ធ (Dou Technique) ថ្នាក់អាថ៌កំបាំង (Xuan Level) ចំនួន ៣ ក្នុងដៃ សៀវ យ៉ាន មិនសូវបារម្ភចំពោះ លំដាប់អ្នកហ្វឹកហាត់ ផ្កាយ ៣ ម្នាក់ឡើយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សម្លឹងមើលអ្នកទាំងពីរដែលហៀបនឹងផ្ទុះអាវុធដាក់គ្នា ស៊ុន អឺ (Xun Er) ដែលនៅក្បែរនោះ បានគ្រវីក្បាលដោយអស់សង្ឃឹម។ ខណៈដែលនាងក្រឡេកមើលទៅចម្ងាយ នាងបានញញឹមព្រមទាំងផ្ដល់ដំណឹងដល់ពួកគេថា៖ “លោកពូសៀវ (Xiao shu-shu) និងអ្នកផ្សេងទៀតកំពុងមកហើយ។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឮសម្ដីរបស់ ស៊ុន អឺ ចិញ្ចើមរបស់ សៀវ យូ បានជ្រួញចូលគ្នា ហើយនាងបានងាកក្បាលទៅឃើញ សៀវ ចាន (Xiao Zhan) កំពុងប្រញាប់ប្រញាល់មកទីនេះ ជាមួយនឹងទឹកមុខមិនសូវស្រស់បស់។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“ហឹម សំណាងរបស់ឯងមិននៅជាប់ខ្លួនរហូតទេ!”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>បន្ទាប់ពីបញ្ចេញសំឡេង \"ហឹម\" យ៉ាងត្រជាក់ សៀវ យូ បានដាក់ដាវចូលស្រោមវិញ រួចងាកក្រោយដើរចេញទៅ។ បោះជំហានវែងៗដោយជើងដ៏ស្រឡូនរបស់នាង សៀវ យូ បានឈប់នៅពីមុខ ស៊ុន អឺ រួចនិយាយថា៖ “ប្អូនស្រីស៊ុន អឺ (Xun Er biao-mei)។ ទេពកោសល្យ និងសម្រស់របស់ប្អូនសុទ្ធតែជាលំដាប់កំពូល ប៉ុន្តែប្អូនគួរតែនៅឱ្យឆ្ងាយពីមនុស្សខ្លះ បើមិនដូច្នោះទេ ប្អូនអាចនឹងឆ្លងទម្លាប់អាក្រក់។ ដល់ពេលនោះ វានឹងហួសពេលក្នុងការស្តាយក្រោយហើយ។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ចំពោះការដាស់តឿនរបស់ សៀវ យូ ស៊ុន អឺ បានញញឹមទាំងតបថា៖ “អរគុណសម្រាប់កាដាស់តឿនរបស់ បងស្រីសៀវ យូ (Xiao Yu biao-jie) ប៉ុន្តែ ស៊ុន អឺ គិតថា បងសៀវ យ៉ាន គឺពិតជាអស្ចារ្យណាស់។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឮសម្ដីដែលមានន័យជ្រៅរបស់ ស៊ុន អឺ ផ្ទៃមុខរបស់ សៀវ យូ បានផ្លាស់ប្តូរពណ៌ ខណៈដែលនាងសម្លឹងមើលទៅ ស៊ុន អឺ ដែលកំពុងញញឹម។ ចុងក្រោយ សៀវ យូ បាននិយាយយ៉ាងមានន័យថា៖ “នៅពេលដែលប្អូនចាកចេញពីត្រកូល ប្អូននឹងដឹងថាពិភពលោកនេះធំប៉ុណ្ណា។ មានមនុស្សរាប់មិនអស់ដែលមានទេពកោសល្យជាងគេឆ្ងាយណាស់ ប្រសិនបើប្អូនជួបអ្នកណាម្នាក់ដែលធ្វើឱ្យប្អូនរំភើបចិត្ត ដល់ពេលនោះ...”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“បងស្រីសៀវ យូ បងគិតច្រើនពេកហើយ។ ស៊ុន អឺ មិនជឿថា រឿងបែបនោះនឹងកើតឡើងឡើយ។” បបូរមាត់ក្រហមរបស់ ស៊ុន អឺ បានពេបបន្តិច ខណៈពេលនាងនិយាយកាត់សម្ដី សៀវ យូ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>បន្ទាប់ពីត្រូវបានកាត់សម្ដីដោយ ស៊ុន អឺ សៀវ យូ មានអារម្មណ៍អៀនខ្មាស ដូច្នេះនាងក៏ចាកចេញទៅ បន្ទាប់ពីសម្លឹងមើល សៀវ យ៉ាន ដោយកែវភ្នែកកំណាចជាលើកចុងក្រោយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សម្លឹងមើល សៀវ យូ ដែលចាកចេញទៅទាំងកំហឹង សៀវ យ៉ាន បានដកដង្ហើមធំ ខណៈដែលទឹកមុខមិនពេញចិត្តរបស់គេបានប្រែមកជាស្ងប់ស្ងាត់ធម្មតាវិញ។ គេបានដកដង្ហើមធំ រួចនិយាយថា៖ “ខ្ញុំពិតជាមិនចូលចិត្តនាងមែន។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឮបែបនេះ ស៊ុន អឺ បានខ្ទប់មាត់សើច៖ “តាមពិតទៅ ខ្ញុំពិតជាចង់ដឹងណាស់ថា ហេតុអ្វីបានជានាងតែងតែប្រឆាំងនឹង បងសៀវ យ៉ាន បែបនេះ។ ទោះបីជាបងអចេតនាដើរចូលទៅកន្លែងនាងងូតទឹកក៏ដោយ ក៏នាងមិនគួរប្រឆាំងនឹងបងខ្លាំងដល់ថ្នាក់នេះដែរមែនទេ?”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“តើខ្ញុំដឹងបានយ៉ាងម៉េច?” សៀវ យ៉ាន បានគ្រវីស្មាទាំងមិនដឹងរឿង មុននឹងសម្លឹងទៅកាន់ សៀវ ចាន និងមនុស្សមួយចំនួនទៀតដែលកំពុងដើរមករកគេ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“យ៉ាន អឺ (Yan Er) កូនមិនអីទេឬ? តើ សៀវ យូ នៅឯណា?” ដើរមកយ៉ាងលឿន និងឃើញ សៀវ យ៉ាន គ្មានរបួសស្នាម សៀវ ចាន បានដកដង្ហើមធំ រួចសួរឡើង។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ដោយគ្រវីស្មាខ្សោយៗ សៀវ យ៉ាន សើចថា៖ “ខ្ញុំមិនអីទេ។ ស្រីម្នាក់នោះគ្រាន់តែមានឈាមជួបខួរក្បាល (ខឹងខ្លាំង) បន្តិចប៉ុណ្ណោះ។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“កូនគួរតែជៀសវាងនាងបន្តិចទៅ។ ក្មេងស្រីម្នាក់នោះមានចរិតមិនសូវល្អទេ ហើយឥឡូវនេះនាងគឺជា លំដាប់អ្នកហ្វឹកហាត់ ផ្កាយ ៣ ទៀត ប្រសិនបើកូនវាយគ្នា កូននឹងក្លាយជាអ្នកចាញ់។ ម្យ៉ាងទៀត នាងគឺជាចៅស្រីរបស់ ព្រឹទ្ធាចារ្យ (Elder) ទីមួយ ដូច្នេះពុកមិនស្ថិតក្នុងស្ថានភាពល្អដើម្បីដាក់ទណ្ឌកម្មនាងឡើយ ប្រសិនបើកូនៗឈ្លោះគ្នា។” សៀវ ចាន និយាយដោយអស់សង្ឃឹម។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សៀវ យ៉ាន ប៉ះច្រមុះទាំងញញឹម ដោយមិនបានផ្ដល់ចម្លើយអ្វីឡើយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>“នេះនែ យ៉ាន អឺ នេះគឺជាអ្នកដេញថ្លៃកំពូលនៃ កន្លែងដេញថ្លៃអភិជន (Primer Auction House) កញ្ញា យ៉ា ហ្វៃ (Ya Fei)។ ទឹកវិញ្ញាណជំនួយកម្លាំង (Foundation Elixir) កាលពីលើកមុន គឺទិញតាមរយៈនាងហ្នឹងឯង។” សៀវ ចាន បានងាកខ្លួនចេញ ដើម្បីបង្ហាញស្ត្រីក្នុងរ៉ូបពណ៌ក្រហមដែលនៅពីក្រោយគេ ខណៈពេលដែលគេណែនាំនាង។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សៀវ យ៉ាន សម្លឹងមើលស្ត្រីដ៏ស្រស់ស្អាតដែលបង្ហាញភាពចាស់ទុំតាមរយៈកាយវិការរបស់នាង រួចបញ្ចេញស្នាមញញឹមអឹមអៀម ដែលស័ក្តិសមនឹងអាយុរបស់គេ៖ “ជម្រាបសួរ បងស្រីយ៉ា ហ្វៃ (Ya Fei-jie)។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ជាមួយនឹងកែវភ្នែកដ៏ទាក់ទាញសម្លឹងមកកាន់ សៀវ យ៉ាន ផ្ទៃមុខដ៏ស្រស់ស្អាតរបស់ យ៉ា ហ្វៃ បានបង្ហាញស្នាមញញឹមដោយសារតែការហៅរករបស់គេ។ បបូរមាត់ក្រហមរបស់នាងបានកម្រើក ខណៈពេលដែល យ៉ា ហ្វៃ សួរទាំងញញឹមថា៖ “ខ្ញុំឮថាអ្នកប្រុសតូច សៀវ យ៉ាន ឡើងបាន កម្លាំងធាតុ (Duan Qi) ៤ កម្រិតក្នុងរយៈពេលតែមួយឆ្នាំមែនទេ? ហិហិ ល្បឿនហ្វឹកហាត់នោះបានក្លាយជាព័ត៌មានដ៏កក្រើកក្នុងទីក្រុង អ៊ូថាន់ ទៅហើយ តើវាជាការពិតដែរឬទេ?”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សៀវ យ៉ាន ផ្អៀងក្បាល ហើយនិយាយទាំង \"អឹមអៀម\" ថា៖ “វាគឺជាលទ្ធផលនៃការដែលលោកពុកទិញ ទឹកវិញ្ញាណជំនួយកម្លាំង ឱ្យខ្ញុំប្រើប្រាស់ប៉ុណ្ណោះ។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឮការទទួលស្គាល់ដោយប្រយោលរបស់ សៀវ យ៉ាន ទោះបីជា យ៉ា ហ្វៃ ជាមនុស្សមានចរិតស្ងប់ស្ងាត់ក៏ដោយ ក៏នាងមិនអាចទប់ដង្ហើមបានឡើយ។ ភាពចង់ដឹងចង់ឃើញបានភ្លឺផ្លេកក្នុងភ្នែករបស់នាង ខណៈពេលនាងគិតថា៖ កម្លាំងធាតុ ៤ កម្រិតក្នុងរយៈពេលតែមួយឆ្នាំ ល្បឿនហ្វឹកហាត់នោះគឺពិតជាគួរឱ្យខ្លាចណាស់។ ចំពោះ ទឹកវិញ្ញាណជំនួយកម្លាំង នោះវិញ ខ្ញុំផ្ទាល់ធ្លាប់បានពិនិត្យវា ហើយដឹងច្បាស់ពីប្រសិទ្ធភាពរបស់វា។ វាអាចជួយល្បឿនហ្វឹកហាត់បានខ្លះមែន ប៉ុន្តែដើម្បីឡើងបានដល់ ៤ កម្រិតដោយគ្រាន់តែពឹងលើវា? មិនអាចទៅរួចទេ!\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ឃើញថាអ្នកទាំងពីរបានណែនាំគ្នាជាមូលដ្ឋានរួចហើយ សៀវ ចាន បានក្រឡេកមើលមេឃ រួចទះស្មារបស់ សៀវ យ៉ាន។ គេនិយាយទាំងញញឹមថា៖ “ត្រឹមត្រូវហើយ ពិធីពេញវ័យ (Coming of Age Ceremony) ជិតចាប់ផ្ដើមហើយ ហើយពុកត្រូវទៅត្រៀមរៀបចំកិច្ចការមួយចំនួន។ កុំធ្វើឱ្យពុកខកចិត្តឱ្យសោះណា៎។”\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>សៀវ យ៉ាន ងក់ក្បាលទាំងញញឹម។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>ដើរតាមពីក្រោយ សៀវ ចាន កញ្ញា យ៉ា ហ្វៃ បានលួចក្រឡេកមើល សៀវ យ៉ាន មុនពេលនាងងាកក្រោយចេញទៅ។ ជាមួយនឹងបទពិសោធន៍ជាច្រើនឆ្នាំនៅកន្លែងដេញថ្លៃ នាងអាចសង្កេតឃើញសូម្បីតែចំណុចតូចៗបំផុត ហើយនៅពេលនាងសម្លឹងមើលទៅក្នុងភ្នែករបស់យុវជនម្នាក់នេះ នាងបានដឹងថា ទោះបីជាយុវជននៅចំពោះមុខនាងហាក់ដូចជាអឹមអៀម ប៉ុន្តែនៅក្នុងកែវភ្នែកពណ៌ខ្មៅងងឹតរបស់គេ គឺគ្មានអារម្មណ៍អ្វីលេចចេញមកឡើយ។ វាមានភាពស្ងប់ស្ងាត់ ដូចជាផ្ទៃបឹងដ៏ជ្រៅមួយ។\u003C\u002Fdiv>\u003Cdiv>\u003Cbr>\u003C\u002Fdiv>\u003Cdiv>អាចគ្រប់គ្រងអារម្មណ៍របស់ខ្លួនឯងបានក្នុងអាយុដ៏ក្មេងខ្ចីបែបនេះ... អាល្អិតម្នាក់នេះមិនសាមញ្ញឡើយ... បន្ទាប់ពីងាកក្រោយចេញទៅ គំនិតនេះបានបន្លឺឡើងក្នុងចិត្តរបស់ យ៉ា ហ្វៃ។\u003C\u002Fdiv>","free",0,"","published","2026-04-02T13:13:56.836Z","2026-04-02T13:24:31.145Z","69ce6b943df9042055a9525c","Battle Through the Heavens","battle-through-the-heavens",[],false,{"previous":21,"next":25,"position":6,"total":29},{"id":22,"number":23,"title":24},"69ce62d73df9042055a9523e",37,"សៀវ យូ (Xiao Yu)",{"id":26,"number":27,"title":28},"69ce6f883df9042055a95276",39,"វិញ្ញាសាតេស្តក្នុងពិធី",322,1790177376913]